Sorphreinsunarbílstjóri

Bílstjórar á sorphreinsibílum aka samkvæmt fyrirfram ákveðnu skipulagi og eru flokksstjórar þeirra sem tæma sorptunnur. Í smærri sveitarfélögum sjá þeir einir um sorphirðuna.

Helstu verkefni:

  • – sækja starfsmenn að morgni
  • – fylgja starfsmönnum eftir á bíl svo tunnulosun taki sem skemmstan tíma
  • – fylgjast með að engin hús verði eftir í rusltæmingu
  • – fylgjast með því sem gerist bak við bílinn
  • – losa rusl úr bíl í sorpeyðingarstöð

Í starfi bílstjóra sorphreinsibifreiðar ertu í samstarfi við verkstjóra, aðra bílstjóra, sorphreinsunarmenn og viðskiptavini.

Hvernig verð ég?

Nám til aukinna ökuréttinda (meirapróf) til að aka gáma- eða sorphreinsibifreið má hefja 6 mánuðum fyrir 21 ára aldur. Til þess þarf að hafa almennt bílpróf og uppfylla aðrar þær reglur sem hið opinbera setur.

Hæfnikröfur

Til að geta starfað sem sorphreinsunarbílstjóri þarf aukin ökuréttindi (meirapróf) en á gámastöðvum er einnig gerð krafa um vinnuvélaréttindi og réttindi til að aka með tengivagn.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)