Sótthreinsitæknir

Sótthreinsitæknar starfa innan heilbrigðisþjónustunnar við sótthreinsun og dauðhreinsun skurðáhalda og lækningatækja sem notuð eru við aðgerðir. Í starfinu felst því að sjá til þess að öll tæki, verkfæri og áhöld sem nauðsynleg eru til skoðunar eða framkvæmda á aðgerðum séu sótt- og dauðhreinsuð samkvæmt ströngustu kröfum.

Helstu verkefni:

  • hreinsun, sótthreinsun, þurrkun, skoðun og pökkun
  • flutningur á dauðhreinsuðum vörum
  • geymsla á búnaði
  • eftirlit með efnum og dauðhreinsunarofnum

 

Starfsvettvangur sótthreinsitækna er á heilbrigðisstofnunum og hjá fyrirtækjum í heilbrigðisþjónustu.

Hvernig verð ég?

Nám í sótthreinsitækni hefur verið í boði við Fjölbrautaskólann í Ármúla sem hluti af námsframboði Heilbrigðisskólans í samvinnu við Landspítalann.

Hæfnikröfur

Sótthreinsitæknar þurfa að þekkja vel til sótt- og dauðhreinsunar, áhalda og efna sem notuð eru við aðgerðir. Í starfi þarf að búa yfir frumkvæði, sjálfstæði, nákvæmni, skipulagsfærni og handlagni en starfið getur reynt á líkamlega.

Kunnátta í íslensku og ensku er nauðsynleg auk tölvufærni og tæknilegrar þekkingar á sem búnaði sem notaður er í starfinu.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)