Starf á bensínstöð

Starf á bensínstöð felst að miklum hluta í sölu og afgreiðslu á eldsneyti, smávöru og veitingum.

Helstu verkefni:

  • afgreiða eldsneyti, bílavörur, matvöru og aðra smávöru
  • dæla eldsneyti á eldsneytistanka ökutækja
  • aðstoða og ráðleggja viðskiptavinum í sambandi við smærri bílvandamál
  • veita upplýsingar um notkun á ýmis konar vörum fyrir bifreiðar
  • aðstoða við vörumóttöku, frágang á vörum og áfyllingu á hillur
  • þrífa eldsneytisdælur og bensínafgreiðslusvæði

Í starfinu hefur þáttur afgreiðslu á kassa aukist talsvert samhliða sjálfsafgreiðslu á eldsneyti.

Hvernig verð ég?

Ekki er gerð formleg krafa um menntun til að gegna starfi bensínafgreiðslumanns. Olíufélögin bjóða hins vegar upp á sí- og endurmenntunarnámskeið ásamt námskeiði fyrir nýliða í starfi. Dæmi um slíkt eru námskeið í sjálfsstyrkingu og samskiptum, tölvunámskeið, námskeið um bíla og bílvörur og tungumálanámskeið.

Hæfnikröfur

Til að fá starf á bensínstöð þarftu að hafa náð 18 ára aldri. Í starfinu reynir mikið á samskipti og þjónustu og hæfileikar á því sviði þar af leiðandi mikilvægir. Einnig er grundvallarfærni í lestri, reikningi og erlendum tungumálum, frumkvæði og skipulagningarhæfileikar góðir kostir ásamt þekkingu á bílum og bílvörum.

 

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)