Starf í móttöku

Starfsfólk í móttöku á gisti- og veitingahúsum tekur á móti viðskiptavinum, afgreiðir þá og veitir margvíslegar upplýsingar og þjónustu. Í starfinu felst oft að safna saman og miðla upplýsingum um þjónustu og afþreyingu fyrir ferðamenn, skrá þá í ferðir og taka á móti og vinna úr kvörtunum.

Helstu verkefni:

  • bókanir og símsvörun
  • inn- og útskráning gesta
  • sala á vöru og þjónustu
  • móttaka greiðslna, reikningagerð og uppgjör
  • birgðaumsjón og innkaup
  • umsjón með tækjum og búnaði

Sem starfsmaður í móttöku vinnurðu gjarnan vaktavinnu, miðlar upplýsingum á milli vaktastarfsmanna og vinnur undir umsjón móttökustjóra eða annars stjórnanda.

Hvernig verð ég?

Ekki er gerð formleg krafa um menntun í starfinu en ýmis starfstengd námskeið kunna að vera í boði svo sem í tengslum við Ferðamálaskólann í Kópavogi eða Mími – símenntun.

Hæfnikröfur

Starfsmaður í móttöku á gisti- og veitingahúsum þarf að eiga auðvelt með samskipti, jafnvel við erfiðar og krefjandi aðstæður. Mikilvægt er að hafa grunnþekkingu í tölvuvinnslu og upplýsingaleit og geta miðlað upplýsingum á skýran og hnitmiðaðan hátt. Þekking á erlendum tungumálum er æskileg.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)