Starf á hafnarsvæði

Starfsmenn á hafnarsvæði vinna hjá fyrirtækjum sem sinna flutningum á sjó. Starfið getur verið mjög fjölþætt og falið í sér vinnu við hafnarvörslu, afgreiðslu gáma, tiltekt á gámasvæði eða almenn verkamannastörf.

Helstu verkefni:

  • lestun og losun skipa
  • afgreiðsla beiðna vegna gáma
  • lagfæra og umstafla vörum
  • tiltekt á gámasvæði
  • eftirlit á hafnarsvæði
  • þrif og eftirlit með tækjum

Í starfi sem hafnarstarfsmaður vinnurðu undir verkstjórn yfirmanns og ert í talsverðum samskiptum við samstarfsmenn, gesti og viðskiptavini hafnar. Oft er um vaktavinnu að ræða.

Hvernig verð ég?

Ekki er gerð formleg krafa um menntun til að gegna starfi hafnarstarfsmanns en ýmis starfstengd námskeið kunna að vera í boði.

Hæfnikröfur

Hafnarstarfsmenn þurfa að geta lesið úr fylgibréfum sem fylgja vörum og gámum. Einnig er gott að þekkja til mismunandi gáma, geta reiknað út rúmmál þeirra og viktað og mælt rúmtak vöru. Þá er mikilvægt að kunna á forrit og kerfi sem notuð eru í vöruhúsum og á hafnarsvæðum ásamt því að hafa réttindi til að aka tækjum sem notuð eru svo sem lyfturum, gámabílum og krönum.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)