Stjörnufræðingur

Stjörnufræðingar eða stjarneðlisfræðingar stunda rannsóknir á því sem fram fer utan lofthjúps jarðar. Rannsóknir þeirra snúa að uppruna, gerð, hreyfingum og þróun sólkerfa, pláneta, vetrarbrauta, stjarna og annarra fyrirbæra himingeimsins.

Stjörnufræði byggir á eðlis- og stærðfræði þar sem hátæknivædd verkfæri eru notuð til að safna saman gríðarlegu magni upplýsinga og greina með aðstoð tölvuforrita  sem herma eftir hreyfingum og þróun úti í hinum risastóra alheimi.

Helstu verkefni:

  • upplýsingaöflun og greiningarvinna
  • kennsla og rannsóknir
  • ritstörf

Flestir stjörnufræðingar starfa við háskóla eða tengdar rannsóknarstofnanir svo sem í tengslum við veðurfræði. Einnig geta stjörnufræðingar til dæmis unnið við raungreinakennslu á framhaldsskólastigi.

Hvernig verð ég?

Við Háskóla Íslands er í boði námsleið til BS gráðu í eðlisfræði með áherslu á stjarnvísindi. Til að starfa sem stjörnufræðingur þarf oftast að ljúka grunn- eða meistaranámi í háskóla og doktorsnámi til að stunda rannsóknir á háskólastigi.

Hæfnikröfur

Störf sem tengjast stjörnufræði krefjast mikils áhuga á raungreinum og tækni, sér í lagi stærðfræði og eðlisfræði. Mikilvægt er að hafa auga fyrir smáatriðum og skipulagi þar sem strangar kröfur eru gerðar til  nákvæmni og trúverðugleika í greininni.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)