Sveinn í kjólasaum

Sveinn í kjólasaum starfar við sérsaum, búningasaum, sniðagerð og aðra fagvinnu sem tengist gerð kvenfatnaðar. Starfið felst einnig í að veita viðskiptavinum ráðgjöf og þjónustu við að teikna snið, útfæra og sérsauma fatnað. Kjólasaumur er löggilt iðngrein.

Helstu verkefni:

  • útfæra eigin hugmyndir eða viðskiptavina
  • velja efni til að vinna með
  • annast innkaup á efnum og öðrum vörum sem þarf á saumastofu
  • taka mál, teikna, útfæra snið og breyta fötum eða sérsauma
  • stækka og minnka snið og/eða föt

Sem sveinn í kjólasaum gætirðu starfað í fataverksmiðju, á saumastofu eða á eigin verkstæði. Sveinar í kjólasaum stjórna oft framleiðslu, sinna verkstjórn eða hafa faglega umsjón í störfum sínum.

Hvernig verð ég?

Kjólasaumur er fjögurra ára nám á framhaldsskólastigi og er kennt í Tækniskólanum.

Hæfnikröfur

Í starfi sveins í kjólasaum er mikilvægt að þekkja helstu eiginleika og kosti efna sem notuð eru í kjólasaum, hafa áhuga á hönnun, útfærslu og saumaskap og hafa vald á mismunandi saumatækni. Sveinn í kjólasaum þarf að hafa góð tök á notkun tækja og áhalda og geta notað tölvutækni við hugmyndaþróun.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)