Þjóðfræðingur

Viðfangsefni þjóðfræðinga eru aðstæður fólks og samfélag; tjáning, listfengi og veruleiki hversdagslífsins. Í starfi þjóðfræðinga felst að skoða sögur og sagnir, heimilis- og atvinnuhætti, trú og tónlist, siði og venjur, hátíðir og leiki, klæðnað og matarhefðir fólks í fortíð og nútíð.

Helstu verkefni:

  • skoða heimildir um líf fólks og umhverfi
  • rannsaka samfélög og hópamyndun
  • skrifa bækur, greinar og ritgerðir byggðar á heimildum og rannsóknum
  • kennsla á öllum skólastigum

Sem þjóðfræðingur gætirðu starfað víða svo sem við fjölmiðla, ferðaþjónustu, fornleifarannsóknir, fræðimennsku, kennslu eða í tengslum við söfn og menningarmiðstöðvar.

Hvernig verð ég?

Grunnnám í þjóðfræði til BA - gráðu er þriggja ára nám við Háskóla Íslands. Framhaldsnám til meistaraprófs er einnig í boði.

 

Hæfnikröfur

Þjóðfræðingar þurfa að vera áhugasamir um fortíðina og tengingu hennar við nútímann. Þolinmæði, gagnrýnin hugsun og skipulagshæfni eru mikilvægir eiginleikar auk getu til að flokka upplýsingar og forgangsraða eftir mikilvægi. Þekking á íslenskum hefðum, menningu og gildum er einnig æskileg. Í starfi þjóðfræðinga er unnið með fjölbreyttar heimildir, gagnagrunna og viðeigandi tölvuforrit.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)