Tryggingaráðgjafi

Tryggingaráðgjafar hafa samband við einstaklinga og fyrirtæki, bjóða tryggingar til sölu og gera tilboð. Í starfinu felst að heimsækja tryggingataka, veita almennar upplýsingar um tryggingar og tryggingavernd, svara fyrirspurnum viðskiptavina ásamt því að meta verðmæti og hættu á tjóni.

Helstu verkefni

  • veita upplýsingar um mismunandi tryggingakosti
  • meta tryggingaþörf í samráði við viðskiptavin
  • semja við tryggingafélög um bestu kjörin fyrir viðskiptavin
  • reikna út greiðslubyrði og ræða greiðslufyrirkomulag
  • útbúa tilboð fyrir viðskiptavin og skrá í tölvukerfi

Í starfi sem tryggingaráðgjafi gætirðu starfað hjá tryggingafyrirtækjum, tryggingamiðlunum eða sem sjálfstæður verktaki.

Hvernig verð ég?

Ekki er krafist sérstakrar menntunar í starfi tryggingaráðgjafa en menntun á sviði sölu og viðskipta getur verið gagnleg auk þess sem margskonar starfstengd námskeið kunna að vera í boði.

Hæfnikröfur

Tryggingaráðgjafi þarf að hafa mikla hæfni í mannlegum samskiptum, eiga gott með að tjá sig og búa yfir færni í samningaviðræðum og samningagerð. Mikilvægt er að þekkja til laga og reglna í tryggingaviðskiptum. Starfið byggir að miklu leyti á góðu skipulagi og frumkvæði ásamt nákvæmum og sjálfstæðum vinnubrögðum. Góð tölvukunnátta er einnig æskileg.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)