Umboðsmaður

Umboðsmenn sjá um að koma skjólstæðingum sínum á framfæri og stuðla að farsæld þeirra í starfi. Starfið felst í að sinna hagsmunum listamanna, skapa og vernda þá ímynd sem við á hverju sinni. Starfsumhverfi umboðsmanna getur verið nokkuð ólíkt. Algengast er að umboðsmenn vinni við sviðslistir á borð við tónlist, leiklist og kvikmyndir en einnig er til dæmis unnið fyrir myndlistar- og íþróttafólk.

Helstu verkefni:

  • almenn samskipti við skjólstæðing
  • gerð fjárhagsáætlana og samningagerð
  • fara á ráðstefnur; hitta fólk og mynda tengsl
  • skipuleggja viðburði
  • kynningarmál og umsjón með fjölmiðlaumfjöllun
  • ráðningar á aðstoðarfólki

Í starfi sem umboðsmaður ertu í talsverðum samskiptum við útgefendur, umboðsskrifstofur, höfundaréttarsamtök og bókunarskrifstofur auk þess sem talsvert getur verið um ferðalög til dæmis í kringum skipulagningu á viðburðum og við samningagerð.

Hvernig verð ég?

Ekki er í boði sérstakt nám fyrir umboðsmenn í íslenska skólakerfinu en slíkt má læra í skólum erlendis.

Hæfnikröfur

Umboðsmenn þurfa að búa yfir skipulagshæfileikum auk áhuga og þekkingu á þeirri grein sem um ræðir hverju sinni. Mikilvægt er að eiga gott með að vinna með öðrum auk þess sem þekking á tölvuvinnslu, fjármálum og bókhaldi eru æskilegir eiginleikar umboðsmanns.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)