Umhverfisfræðingur

Umhverfisfræðingar starfa meðal annars við rannsóknir til að bera kennsl á, minnka eða stoppa upptök mengunar eða annarrar hættu í umhverfinu. Umhverfisfræðingur vinnur með vísindalegar upplýsingar, oft úr mismunandi fræðigreinum, og byggir á þeim tillögur að aðgerðum í umhverfismálum.

 

Helstu verkefni:

  • endurskoða og innleiða reglur, stefnur og staðla í umhverfismálum
  • greina og útskýra gögn, til dæmis um útblásturs-, vatns og loftmengun
  • upplýsingagjöf til almennings og opinberra stofnanna
  • ráðgjöf um stefnumótun og framkvæmdir
  • umhverfiseftirlit og rannsóknir á umhverfislagabrotum
  • rannsóknir sem meta umhverfisáhrif verkefna

 

Umhverfisfræðingur getur unnið sjálfstætt, hjá einkafyrirtækjum eða hinu opinbera. Sem umhverfisfræðingur gætirðu til dæmis unnið hjá Umhverfisstofnun, Skipulagsstofnun, sveitarfélögum, á vísinda- og rannsóknarstofnunum eða í ráðgjafarfyrirtækjum.

Hvernig verð ég?

Nám í náttúru- og umhverfisfræði við Landbúnaðarháskólann tekur þrjú ár og lýkur með BS – gráðu. Við Háskóla Íslands er einnig í boði meistaranám í umhverfis- og auðlindafræði.

Hæfnikröfur

Umhverfisfræðingur þarf að hafa mikla þekkingu á umhverfi og náttúru sem og áhuga á umhverfis- og náttúruvernd. Góð þekking á raunvísindagreinum er nauðsynleg auk skipulagshæfileika og getu til að stjórna og bera ábyrgð á verkefnum. Í umhverfisfræði er einnig sívaxandi áhersla á samvinnu ólíkra fræðigreina þar sem þekkingu á til dæmis hagfræði og félagsfræði er tvinnað saman við hefðbundnari náttúru- og umhverfisfræði.

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)