Vaktstjóri

Vaktstjóri á skyndibitastað eða kaffihúsi heldur utan um daglega verkstjórn og ber ábyrgð á staðnum í fjarveru yfirmanns. Vaktstjóri þarf að geta gengið í öll störf ásamt því að sjá til að verkferlum sé fylgt, svo sem á milli vakta eða við lokun.

Hlutverk vaktstjóra er að hafa yfirsýn, aðstoða samstarfsfólk þegar þess þarf og stuðla annars að vellíðan þeirra og öryggi á vinnustaðnum.

Helstu verkefni:

  • afgreiðsla og sala á vöru og þjónustu
  • upplýsingamiðlun
  • framsetning vöru og ásýnd vinnustaðar
  • þjálfun nýrra starfsmanna og mönnun vegna forfalla
  • skipulag og uppgjör vaktar
  • HACCP- mælingar, gæðaeftirlit og skráning
  • eftirlit með þrifum
  • birgðaeftirlit og vörumóttaka

Vaktstjóri vinnur ýmist undir verslunarstjóra, veitingastjóra eða rekstrarstjóra.

Hvernig verð ég?

Ekki er gerð formleg krafa um menntun til starfs vaktstjóra en ýmis starfstengd námskeið kunna að vera í boði.

Hæfnikröfur

Vaktstjóri þarf að þekkja vel til réttinda og skyldna á vinnumarkaði ásamt boðleiðum á eigin vinnustað til að geta miðlað upplýsingum á milli vakta, til yfirmanna og samstarfsfólks.  Einnig er mikilvægt að geta brugðist við ábendingum frá viðskiptavinum eða samskiptaerfiðleikum á vinnustað eða á milli starfsfólks og viðskiptavina.

Nánari upplýsingar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)