Vefhönnuður

Vefhönnuðir setja upp vefsíður og vinna í virkni þeirra, efni og útliti. Ákveðin skörun getur verið á milli starfsheita á borð við vefhönnuð, vefmiðlara og vefforritara en þó starf vefhönnuða fari mikið fram í opnum og tilbúnum vefumsjónarkerfum er þekking á forritun talsverður kostur. Annars getur vinnudagurinn nokkuð stjórnast af því hvort unnið er sjálfstætt í beinum tengslum við viðskiptavini eða hjá stærri fyrirtækjum þar sem verkefnin felast fremur í vefsíðugerðinni sjálfri.
 
Helstu verkefni:

  • Vefsíðugerð
  • Útlitshönnun
  • Könnun á virkni
  • Viðhald vefsíðna og vinnsla á efni
Hvernig verð ég?

Margmiðlunarhönnun og vefhönnun er námsbraut við Borgarholtsskóla. Í vefskóla Tækniskólans er einnig boðið upp á nám í að þróa, hanna og forrita veflausnir. Þá er diplómanám í vefmiðlun í boði við Háskóla Íslands.

Annars geta vefhönnuðir átt sér margvíslegan bakgrunn, allt frá því að vera sjálflærðir í að hafa jafnvel stundað langskólanám í greinum á borð við vef- og margmiðlunarhönnun, grafíska hönnun eða forritun.

Hæfnikröfur

Í starfi sem vefhönnuður er mikilvægt að skilja þarfir notenda mismunandi vefsíðna og geta skipulagt efni og útlit með hliðsjón af því. Þar sem hröð þróun er á þessu sviði er nauðsynlegt að vera með puttann á púlsinum hvað varðar tæknilega möguleika sem og hvernig notendur leita eftir efni á netinu.

Nánari upplýsingar
Tengd störf og námsgreinar

Starfs- og námsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)