Vöruflutningabílstjóri

Vöruflutningabílstjórar starfa við flutninga á vörum, ýmist í eigin flutningabíl eða á vegum flutningafyrirtækis.
 
Helstu verkefni:

  • sækja vörur áður en lagt er í ferð
  • flokka vörur eftir þyngd og tegund
  • sjá um viðhald á bíl
  • fylgjast með upplýsingum um sendingar, færð og veður
  • fylla út skráningarblöð og aðra pappíra

 
Í starfi sem vöruflutningabílstjóri ertu í samskiptum við aðra bílstjóra en einnig þá sem senda og taka á móti vörum svo sem starfsfólk vöruafgreiðsla.

Hvernig verð ég?

Til að geta starfað sem vöruflutningabílstjóri þarf að hafa viðeigandi ökuréttindi sem fara eftir stærð bílsins. Einnig er stundum gerð krafa um að bílstjóri hafi lokið svokölluðu ADR námskeiði sem ætlað er ökumönnum sem flytja hættulegan farm. Þá er oft gerð krafa um vinnuvélarréttindi, til dæmis á lyftara.

 

Hæfnikröfur

Í starfi vöruflutningabílstjóra er mikilvægt að þekkja vel til vega og umferðamerkinga. Mikilvægt er að geta unnið sjálfstætt og sýnt þolinmæði og kurteisi hvort tveggja í samskiptum við viðskiptavini sem og í umferðinni. Góð líkamleg heilsa skiptir einnig máli enda getur starfið verið líkamlega erfitt.

Nánari upplýsingar
Tengd störf og námsgreinar

Náms- og starfsráðgjöf

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Ábendingar

Vefurinn í er sífelldri vinnslu við að bæta virkni og innihald. Allar ábendingar um úrbætur eru vel þegnar og við hlustum á allt sem notendur hafa að segja.

Umsjón: Fræðslumiðstöð atvinnulífsins

Umsjónarmaður: Arnar Þorsteinsson (arnar@frae.is)