NÁM

Íslenska sem annað mál

Íslenska sem annað mál er námsleið á háskólastigi fyrir þau sem vilja öðlast fræðilega og/eða hagnýta þekkingu á íslensku.

Fjölmörg önnur námskeið og námsleiðir eru einnig í boði fyrir fólk sem flyst til landsins, til lengri eða skemmri tíma. Á vegum símenntunarmiðstöðva er yfirleitt um að ræða getuskipt námskeið en greinargott yfirlit má finna á vefsíðum þeirra sem og Fjölmenningarseturs.

Kennsla

Íslenska sem annað mál er námsleið til BA – gráðu við Háskóla Íslands en þar er einnig í boði hagnýtt diplómunám, fyrir þau sem vilja auka færni í íslensku til að geta tekist á við nám eða störf í íslensku samfélagi.

Upplýsingar um aðrar námsleiðir í íslensku fyrir útlendinga er að finna á heimasíðum símenntunarmiðstöðva um land allt sem og á vef Fjölmenningarseturs.

Kröfur

Á háskólastigi þarf að hafa próf sem samsvarar íslensku stúdentsprófi auk þess að sýna fram á enskukunnáttu og standast lágmarkskröfur á rafrænu prófi. Þau sem ekki standast það próf geta sótt diplóma nám í íslensku sem annað mál – sjá nánar.

Almenn íslenskunámskeið fyrir fólk af erlendum uppruna eru hins vegar alla jafna opin öllum.

Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.

Námsskipulag

Íslenska sem annað mál er í boði sem aðalgrein til BA – prófs eða sem aukagrein í eitt ár. Kennsla fer fram í fyrirlestrum, smærri hópum og umræðutímum.

Að loknu námi

Nám í íslensku sem öðru máli eykur möguleika á virkri þátttöku í íslensku samfélagi og atvinnulífi. BA – námið er bæði hagnýtt og almennt fræðilegt nám um íslenska tungu, bókmenntir og sögu Íslands.

Störf
Ekki þinn tebolli?

Skoðaðu aðra valmöguleika

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf