Lyfjatækni er starfstengt nám á framhaldsskólastigi. Í náminu felst meðal annars að veita þekkingu og færni til afgreiðslu, sölu og dreifingu lyfja.
Lyfjatækninám veitir löggild starfsréttindi. Námstími er 6 – 7 annir að meðtalinni starfsþjálfun.
Lyfjatækni er starfstengt nám á framhaldsskólastigi. Í náminu felst meðal annars að veita þekkingu og færni til afgreiðslu, sölu og dreifingu lyfja.
Lyfjatækninám veitir löggild starfsréttindi. Námstími er 6 – 7 annir að meðtalinni starfsþjálfun.
Lyfjatæknabraut er kennd við Fjölbrautaskólann við Ármúla.
Umsækjendur þurfa að hafa lokið skyldunámi í samræmi við Aðalnámskrá grunnskóla, sjá nánar á heimasíðu skóla.
Námið hefur verið lánshæft hjá Menntasjóði námsmanna. Eins veita fag- og stéttarfélög oft styrki til náms, fáðu frekari upplýsingar hjá þínu félagi.
Nám á lyfjatæknabraut skiptist í almennar bóklegar greinar, sérgreinar og starfsþjálfun. Sérgreinar lyfjatækna eru eingöngu kenndar í fjarnámi með einstaka staðbundinni lotu.
Námið veitir réttindi til að starfa sem lyfjatæknir. Eins er hægt að ljúka viðbótarnámi til stúdentsprófs.
