Snyrtifræði er starfstengt nám á framhaldsskólastigi. Í því felst meðal annars að auka færni nemenda í meðferð snyrtivara, beitingu áhalda og tækja og að veita þá alhliða þjónustu sem í boði er á snyrtistofum. Snyrtifræði er löggilt iðngrein.
Meðalnámstími er um fjögur ár að meðtalinni starfsþjálfun þar sem fylgt er rafrænni ferilbók sem heldur utan um framvindu vinnustaðanámsins.
Snyrtifræði hefur verið kennd við Fjölbrautaskólann í Breiðholti. Einnig er í boði grunnnám hár- og snyrtigreina við Menntaskólann á Ísafirði.
Umsækjendur þurfa að hafa lokið skyldunámi í samræmi við Aðalnámskrá grunnskóla.
Námið hefur verið lánshæft hjá Menntasjóði námsmanna. Eins veita fag- og stéttarfélög oft styrki til náms. Fáðu frekari upplýsingar hjá þínu félagi.
Snyrtifræðinám skiptist í almennar greinar, sérgreinar brautarinnar og starfsþjálfun. Nemandi gerir námssamning við meistara í faginu þar sem starfsþjálfunin fer fram.
Athugaðu að almennar greinar gætu verið kenndar í fjarnámi.
Að námi og starfsþjálfun lokinni er möguleiki á að fara í sveinspróf sem veitir rétt til starfa í greininni ásamt inngöngu í nám til iðnmeistaraprófs. Einnig er hægt að ljúka viðbótarnámi til stúdentsprófs.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi
