Stjórendanámi er ætlað að efla faglega þekkingu stjórnenda, auka færni þeirra og bæta vinnubrögð. Námið er hugsað samhliða vinnu og eru a.m.k. tvær námsleiðir í boði:

Kennsla

Stjórnendanám er í boði á vegum Símenntunar Háskólans á Akureyri og Opna háskólans í HR.

Kröfur

Ekki eru gerðar forkröfur um menntun í námsleið Háskólans á Akureyri en námið í HR er „… ætlað stjórnendum með minnst þriggja ára stjórnunarreynslu og haldbæra menntun.“

Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.

Námsskipulag

Námsleið Háskólans á Akureyri fer að öllu leyti fram í lotuskiptu fjarnámi þar sem unnið er með raunveruleg viðfangsefni sem tengjast stjórnun, verkstýringu og mannaforráðum. Hægt er að ljúka náminu á tveimur árum.

Námið í HR samanstendur af sjö staðbundnum lotum sem kenndar eru með um það bil fjögurra vikna millibili. Kennslan byggir að miklu leyti á hagnýtum verkefnum tengdum atvinnulífi og alþjóðaumhverfi.

Að loknu námi

Eftir námið geta stjórnendur og millistjórnendur sinnt sínum störfum með fjölbreyttari verkfæri í farteskinu.

Störf
Ekki þinn tebolli?

Skoðaðu aðra valmöguleika

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf