STARF

Bifreiðasmiður

Bifreiðasmiðir starfa á bíla- eða réttingaverkstæðum við smíði, réttingar og breytingar burðarvirkja bifreiða. Í starfinu felst einnig að hanna og gera uppdrætti af yfirbyggingum og innréttingum ásamt því að annast ýmsa útreikninga. Bifreiðasmiðir starfa yfirleitt á afmörkuðu sviði innan greinarinnar til dæmis við réttingar, nýsmíði eða breytingar. Bifreiðasmíði er löggilt iðngrein.

Helstu verkefni
  • smíða innréttingar í bíla
  • meta bíla og lagfæra eftir tjón
  • rétta burðargrindur og mæla í réttingabekkjum
  • gera við skemmdir, dældir og slit
  • breyta bílum eftir teikningum
  • setja saman íhluti; bretti, hurðir og stuðara
  • undirbúa málun eftir viðgerð
Hæfnikröfur

Sem bifreiðasmiður þarftu að geta unnið sjálfstætt og skipulega við mat, viðgerð og uppbyggingu bilaðra ökutækja. Einnig þarf að hafa þekkingu til að ráðleggja og leiðbeina um mögulegar viðgerðir auk þess sem mjög reynir á hugkvæmni og úrræðasemi við nýsmíði í greininni.

Bifreiðasmiðir vinna mikið með málm og þurfa að nota margs konar handverkfæri, suðutæki, málmvinnsluvélar, mælitæki og réttingabúnað við vinnu sína.

Nám

Bifreiðasmíði er kennd við Borgarholtsskóla auk þess sem tveggja anna grunndeildir í málmsmíðum og véltækni má finna víða. Nám til bifreiðasmiðs tekur um þrjú og hálft ár.

Raunfærnimat hefur farið fram og/eða kann að vera í boði.

Bifreiðasmíði
Ekki fyrir þig?

Skoðaðu aðra valmöguleika

Tengd störf

blank

Bifvélavirki

blank

Bílamálari

blank

Flotastjóri

blank

Flugmaður

blank

Flugumferðarstjóri

blank

Flugvirki

blank

Hlaðmaður

blank

Hópferðabílstjóri

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf