Blaðberar dreifa dagblöðum, tímaritum, auglýsingapésum og litlum pökkum til áskrifenda eða inn á heimili og stofnanir. Starfið fer að mestu fram utandyra.
Flestir blaðberar sinna starfi sínu fótgangandi en einnig hugsanlega á eigin bíl ef aðstæður kalla á slíkt. Í þéttbýli sinna blaðberar afmörkuðum hverfum en geta þurft að sinna stærra svæði í dreifbýli. Hjá blaðberum hefst vinnudagurinn gjarnan snemma við dreifingu blaða sem koma út í byrjun dags.