Starf blómaskreytis felst í að útbúa alls kyns blómaskreytingar og sjá til þess að framsetning þeirra sé í samræmi við tilefni hverju sinni. Blómaskreytir leiðbeinir viðskiptavinum um val og meðferð á afskornum blómum, pottaplöntum, garðblómum, trjám og runnum.

Sem blómaskreytir gætirðu unnið í blómaverslun eða blómaheildsölu við uppsetningu á vörum, sölu og ráðgjöf til viðskiptavina.

Helstu verkefni
  • útbúa blómaskreytingar, svo sem brúðarvendi, borðskreytingar og útfararkransa
  • hirða um pottablóm og afskorin blóm
  • skreyta kirkjur, samkomustaði eða veisluborð
  • aðstoða viðskiptavini við að velja blóm og gjafavöru
  • pakka inn og skreyta gjafir fyrir viðskiptavini
Hæfnikröfur

Í starfi blómaskreytis er mikilvægt að hafa víðtæka þekkingu á plöntum og geta meðhöndlað afskorin blóm og annað skreytingaefni í samræmi við þarfir viðkomandi tegunda. Gott er að þekkja til algengustu skaðvalda garð- og pottaplantna, geta unnið sjálfstætt og leiðbeint öðrum í starfi.

Nám

Nám blómaskreytis skiptist í fjórar annir auk 60 vikna verknáms. Námið er á framhaldsskólastigi, við starfs- og endurmenntunardeild Landbúnaðarháskóla Íslands að Reykjum í Ölfusi.

Blómaskreytingar
Ekki fyrir þig?

Skoðaðu aðra valmöguleika

Tengd störf

Búningahönnuður

Fatahönnuður

Förðunarmeistari

Fornleifafræðingur

Gull- og silfursmiður

Jarðfræðingur

Landfræðingur

Landslagsarkitekt

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf