Félagsliðar vinna á sviði félags- og umönnunarþjónustu. Í starfinu felst að aðstoða og styðja einstaklinga til virkni í samfélaginu. Félagsliðar aðstoða börn og unglinga í félagslegum vanda og þjónusta fatlaða, aldraða og fólk með geðraskanir svo dæmi séu tekin. Félagsliðar styrkja skjólstæðinga sína til að hjálpa sér sjálfir og örva þá til þátttöku í samfélaginu.

Félagsliðar vinna í samstarfi við aðrar fagstéttir á öldrunar- eða geðsviði, innan félagsþjónustu eða í skólum og eru einnig í samskiptum við aðstandendur skjólstæðinga sinna.

Helstu verkefni
  • mat á ólíkum þörfum skjólstæðinga
  • veita félagsskap og stuðning
  • leiðbeina með réttindi til ýmissar þjónustu
  • leita úrræða og hjálpa skjólstæðingum við að nálgast þau
  • vinna að gerð einstaklings- og þjálfunaráætlana
  • skrá athuganir í dag- og samskiptabækur
Hæfnikröfur

Í starfi félagsliða þarftu að geta hvatt til félagslegrar þátttöku og búa yfir færni og kunnáttu til að efla frumkvæði og sjálfstæði. Einnig er mikilvægt að geta tekst á við erfið samskipti og/eða hegðunarfrávik og hafa þekkingu á mismunandi aðstæðum hinna ýmsu hópa í samfélaginu. Samskiptafærni, sjálfstæði og frumkvæði eru mikilvægir eiginleikar í starfi félagsliða.

Félag íslenskra félagsliða

Nám

Nám félagsliða hefur verið kennt á félagsliðabraut Borgarholtsskóla auk fjarnáms í Fjarmenntaskólanum. Meðalnámstími er tvö til þrjú ár að meðtalinni starfsþjálfun. Raunfærnimat og/eða félagsliðabrú kunna einnig að vera í boði, ætlað þeim sem hafa starfsreynslu eða fyrra nám til að byggja á.

Félagsliðabraut
Ekki fyrir þig?

Skoðaðu aðra valmöguleika

Tengd störf

blank

Danskennari

blank

Djákni

blank

Einkaþjálfari

blank

Félags- og tómstundaliði

blank

Félagsráðgjafi

blank

Flokkstjóri í vinnuskóla

blank

Framhaldsskólakennari

blank

Frístundaleiðbeinandi

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf