Fisktæknar vinna gjarnan við verkstjórn, framleiðslustýringu eða gæðaeftirlit í fiskvinnslustöðvum, fisksölufyrirtækjum eða hjá eftirlitsaðilum. Þá getur starfið tengst kaupum á hráefni á fiskmörkuðum og/eða gerð lýsinga á hráefni fyrir mögulega kaupendur.
Í starfi sem fisktæknir gætirðu unnið í samstarfi við eigendur og starfsfólk fiskiðnaðar- og útgerðarfyrirtækja, fiskmarkaða og fiskverslana en einnig veitt ráðgjöf til fyrirtækja í fiskiðnaði.