STARF

Flugumferðarstjórar vinna við þrenns konar flugumferðarstjórn; flugturnsþjónustu, aðflug og svæðisflugstjórn. Í flugturni er allri flugumferð í nágrenni flugvallar og á flugvellinum sjálfum, stjórnað. Aðflugsstjórn stjórnar flugumferð í blindflugi og flugvélum sem koma til lendingar. Svæðisflugsstjórn stýrir innanlands- og úthafssvæði.

Helstu verkefni
  • vera í fjarskiptasambandi við flugvélar og úthluta flughæð og flugferli
  • leiðbeina flugvélum um flugbrautir, akstur á flugvelli, lendingu og flugtak
  • veita upplýsingar um veður og flugvallarumferð
  • skrá og vinna úr upplýsingum sem koma fram í flugáætlunum
  • vinna með og nota fluggagnakerfi í flugstjórnarmiðstöð
  • skiptast á upplýsingum um og við flugvélar sem eru á leið milli svæða
Hæfnikröfur

Flugumferðarstjórar þurfa að vera 21 árs að lágmarki, hafa lokið viðurkenndri þjálfunaráætlun, vera með gilt heilbrigðisvottorð og sýnt fram á fullnægjandi tungumálafærni. Sem flugumferðarstjóri þarftu að vera fljót/ur að átta þig á aðstæðum og taka réttar ákvarðanir í samræmi við þær.

Nám

Nám í flugumferðastjórn hefur ýmist verið í boði á vegum Isavia,  Flugskóla Íslands eða Flugakademíu Keilis.

Flugnám - atvinnu
Ekki fyrir þig?

Skoðaðu aðra valmöguleika

Tengd störf

Landfræðingur

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf