STARF

Garðplöntufræðingur

Sérhæfing garðplöntufræðinga felst í garð- og skógarplöntum þar sem unnið er við ræktun og framleiðslu slíkra plantna, verkstjórn og/eða rekstur plöntustöðva.

Í starfi sem garðplöntufræðingur gætirðu starfað hjá sveitarfélögum við verkstjórn, umhirðu grænna svæða eða skipulagningu beða. Einnig starfa garðplöntufræðingar í garð- og skógarplöntustöðvum og við sölu og ráðgjöf til almennings varðandi val, ræktun og meðferð plantna.

Helstu verkefni
  • skipulagning ræktunarsvæða
  • fjölga, planta eða flytja plöntur
  • áburðargjöf og dagleg umhirða plantna
  • sjá um uppskeru og frágang afurða
  • stýra umhverfisþáttum í ræktun, svo sem lýsingu, hitastigi, áburðargjöf og vökvun
  • leiðbeina um val og meðferð á plöntum
Hæfnikröfur

Garðplöntufræðingur þarf að búa yfir sérþekkingu á plöntutegundum sem henta fyrir íslensk ræktunarskilyrði auk þekkingar á ræktunartækni við ræktun þessara plantna. Mikilvægt er að geta gert ræktunar- umhirðu- og rekstaráætlanir ásamt því að skipuleggja og stýra starfsemi garðyrkjustöðvar. Við vinnuna eru notuð ýmis garðyrkjuáhöld auk sérhæfðari stærri tækja.

Garðyrkjufélag Íslands

Nám

Nám í garðyrkjuframleiðslu er þrjú ár og skiptist í þrjár brautir; garð- og skógarplöntubraut, ylræktarbraut og námsbraut um lífræna ræktun. Námið er á framhaldsskólastigi, við Starfs- og endurmenntunardeild Landbúnaðarháskóla Íslands að Reykjum í Ölfusi.

Ekki fyrir þig?

Skoðaðu aðra valmöguleika

Tengd störf

Blómaskreytir

blank

Búfræðingur

blank

Dýralæknir

blank

Fiskeldisfræðingur

blank

Fornleifafræðingur

blank

Hestasveinn

blank

Innanhúsarkitekt

blank

Jarðfræðingur

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf