STARF

Garðyrkjufræðingur í lífrænni ræktun

Garðyrkjufræðingar í lífrænni ræktun framleiða matjurtir og plöntur, sjá um sölu þeirra og veita ráðgjöf um afurðir lífrænnar ræktunar í gróðurhúsum og úti við.

Í starfi sem garðyrkjufræðingur í lífrænni ræktun gætirðu unnið í garðyrkjustöð, gjarnan sem verkstjóri eða ræktunarstjóri.

Helstu verkefni
  • skipuleggja og fylgja áætlunum um ræktun matjurta með lífrænum aðferðum
  • beita viðurkenndum aðferðum lífrænnar ræktunartækni
  • stýra umhverfisþáttum svo sem lýsingu, hitastigi, áburðargjöf og vökvun
Hæfnikröfur

Garðyrkjufræðingur í lífrænni ræktun þarf að þekkja til helstu tegunda í ræktun auk þátta á borð við jarðvegsræktun, áburðargjöf og hvaða áburðarefni eru leyfileg í lífrænni ræktun og viðeigandi viðbrögð við meindýrum og sjúkdómum. Mikilvægt er að gæta að umhverfis- og öryggismálum, geta starfað sjálfstætt og leiðbeint öðrum í starfi.

Garðyrkjufélag Íslands

Námið

Nám í garðyrkjuframleiðslu er þrjú ár og skiptist í þrjár brautir; garð- og skógarplöntubraut, ylræktarbraut og námsbraut um lífræna ræktun. Námið er á framhaldsskólastigi og verður frá hausti 2022 kennt á vegum Fjölbrautaskóla Suðurlands en áfram í húsnæði Landbúnaðarháskólans að Reykjum í Ölfusi. 

Skrúðgarðyrkja
Ekki fyrir þig?

Skoðaðu aðra valmöguleika

Tengd störf

Blómaskreytir

Búfræðingur

Dýralæknir

Fasteignasali

Fiskeldisfræðingur

Flokkstjóri í vinnuskóla

Fornleifafræðingur

Garðplöntufræðingur

Náms- og starfsráðgjöf