STARF

Kælitæknir

Kælitæknar vinna við smíðar, uppsetningu og rekstur kælikerfa í frystihúsum, verslunum, skipum, gámum og flutningatækjum. Í starfinu felst að annast viðhald, viðgerðir og þjónustu kerfa, skrá ástand kælikerfa og tryggja sem öruggastan og hagkvæmastan rekstur þeirra. Kæli- og frystivélavirkjun er löggild iðngrein.

Í starfi sem kælitæknir gætirðu starfað hjá fyrirtækjum sem sérhæfa sig í kæli- og frystivélaþjónustu, hjá þjónustufyrirtækjum eða fyrirtækjum sem framleiða matvæli og drykkjarvörur.

Helstu verkefni
  • smíða og setja upp kælikerfi
  • tengja og stilla stjórnbúnað
  • forrita og prófa iðntölvur
  • þjónusta og reka kælikerfi
Hæfnikröfur

Kælitæknir þarf að geta lesið smíðateikningar og dregið upp teikningar af kæli- og frystikerfum. Einnig er mikilvægt að þekkja undirstöðuatriði rafmagnsfræði, varmastreymi, kælihringrása og áhrif kælingar og frystingar á matvæli. Í starfinu eru notuð handverkfæri og málmsmíðavélar og mikilvægt að hafa vald á málmsuðu, lóðningu, silfurkveikingu og slaglóðun.

Nám

Kælitækni er gjarnan kennd á námskeiðum í tengslum við starfsumhverfið í faginu en er einnig hluti af námi í véltækni.

Ekki fyrir þig?

Skoðaðu aðra valmöguleika

Tengd störf

blank

Aðstoð í málmiðnaði

blank

Tæknifræðingur

blank

Tækniteiknari

blank

Vélstjóri

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf