Kerfisfræðingar annast skipulagningu verkefna sem tengjast tölvukerfum ásamt því að hanna og forrita hugbúnað og annast uppsetningu og viðhald tölvukerfa.

Sem kerfisfræðingur gætirðu unnið mjög víða, raunar hvar sem tölvur og hugbúnaður er staðsettur, hvort heldur sem er í fyrirtækjum eða opinberum stofnunum.

Helstu verkefni
  • meta og greina þarfir notenda tölvukerfa
  • smíða og prófa forrit eða hugbúnaðarkerfi
  • breyta forritum í samræmi við þarfir notenda
  • gera kostnaðar- og verkáætlanir fyrir tölvukerfi
  • ráðgjöf við val á vél- og hugbúnaði
  • fylgjast með nýjungum sem starfinu tengjast
Hæfnikröfur

Kerfisfræðingar þurfa að eiga auðvelt með skipulag og ákvarðanatöku ásamt því að geta hugsað í lausnum. Afar mikilvægt er að hafa áhuga á flestu því sem kemur að tölvum, virkni þeirra, hugbúnaði og forritum.

Nám

Nám í kerfisstjórnun til diplómagráðu tekur tvö ár. Við Háskólann í Reykjavík er hægt að bæta við þriðja árinu og ljúka BSc gráðu í tölvunarfræði en slíkt nám er einnig í boði við Háskóla Íslands.

Kerfisfræði
Ekki fyrir þig?

Skoðaðu aðra valmöguleika

Tengd störf

Leikjaforritari

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf