Lögfræðingar sinna ýmiss konar lögfræðilegri ráðgjöf. Í starfi lögmanna felst meðal annars að annast meðferð mála fyrir hönd skjólstæðinga svo sem innheimtu-, skilnaðar-, eða skaðabótamála, skipti dánarbúa, stjórn þrotabúa eða sáttaumleitanir. Héraðsdóms- og hæstaréttarlögmenn hafa einkarétt til að annast málflutning fyrir dómstólum.

Sem lögfræðingur gætirðu hvort tveggja unnið á opinberum vettvangi og hjá einkafyrirtækjum. Lögfræðinga er víða að finna, til dæmis við lögmanna- og dómarastörf, í ráðuneytum og opinberum stofnunum, hjá fjármálafyrirtækjum og tryggingafélögum eða sem stjórnendur fyrirtækja svo dæmi séu tekin.

Helstu verkefni

Dæmi um verkefni lögmanna:

  • veita upplýsingar um réttarstöðu, réttindi og skyldur
  • annast samningagerð
  • veita ráðgjöf um stofnun fyrirtækja
  • annast frágang á skjölum, svo sem erfðaskrám, afsölum og skuldabréfum
  • annast skuldaskil og aðstoða einstaklinga og fyrirtæki við úrlausn fjármála
  • sinna réttargæslu
  • annast varnir fyrir hönd sakborninga í refsimálum
Hæfnikröfur

Lögfræðingar þurfa að ljúka meistaragráðu í lögfræði en verða að sækja viðbótarréttindi til að flytja mál fyrir dómstólum auk þess sem ýmis önnur skilyrði eru fyrir útgáfu lögmannsréttinda. Æskilegir eiginleikar lögfræðinga eru heiðarleiki, nákvæmni í vinnubrögðum, þolinmæði og skipulagshæfileikar auk þess sem gott er að eiga auðvelt með mannleg samskipti.

Lögfræðingafélag Íslands

Nám

Grunnnám í lögfræði er þriggja ára háskólanám til BA eða BS gráðu, í boði við Lagadeild Háskóla ÍslandsHáskólann í ReykjavíkHáskólann á Akureyri auk þess sem nám í viðskiptalögfræði er í boði við Háskólann á Bifröst. Meistaranám til fullnaðarprófs í lögfræði er einnig í boði við alla skólana fjóra.

Lögfræði
Ekki fyrir þig?

Skoðaðu aðra valmöguleika

Tengd störf

blank

Afbrotafræðingur

blank

Almannatengill

blank

Bókmenntafræðingur

blank

Diplómati

blank

Dyravörður

blank

Eðlisfræðingur

blank

Efnafræðingur

blank

Fangavörður

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf