STARF

Mjólkurfræðingur

Mjólkurfræðingar vinna við úrvinnslu mjólkur og framleiðslu tengdra afurða auk þess að sinna rannsóknum og vöruþróun.

Í starfi mjólkurfræðings eru mjólkurbú og afurðavinnslustöðvar líklegir vinnustaðir en einnig starfa mjólkurfræðingar annars staðar í matvælaiðnaði svo sem í ölgerðum og sælgætisverksmiðjum. Jafnframt starfa mjólkurfræðingar hér á landi við hreinlætisiðnað, lyfjaframleiðslu og í eftirlitsstofnunum eins og við heilbrigðiseftirlit.

Helstu verkefni
  • mjólkureftirlit og ráðgjöf í sveitum landsins
  • leiðbeina við meðhöndlun hráefna í mjólkurvinnslu
  • taka á móti mjólk, meta gæði hennar og hafa umsjón með flutningi
  • stýra tölvubúnaði sem gerilsneyðir, fitusprengir, skilur og hreinsar mjólk
  • búa til mjólkurvörur svo sem skyr, osta, jógúrt, súrmjólk og ís
  • gæðaeftirlit og umsjón með pökkun, frágangi og dreifingu
Hæfnikröfur

Mjólkurfræðingur þarf að þekkja eiginleika þeirra hráefna sem notuð eru í faginu og kunna á viðeigandi eftirlits- og framleiðslubúnað sem oft er tölvustýrður. Hreinlæti er stór þáttur í meðhöndlun mjólkurafurða og mikilvægt að þekkja helstu örverur er finnast og/eða geta komist í mjólkur- og matvælavinnslu. Mikilvægt er að geta unnið sjálfstætt og sýnt frumkvæði í starfi auk nokkurrar kunnáttu í erlendum tungumálum.

Mjólkurfræðingafélag Íslands

Nám

Mjólkurfræði er þriggja ára iðnnám, verklegt og bóklegt. Flestir íslenskir mjólkurfræðingar hafa skiplagt nám sitt þannig að verklega námið fer að mestu fram á Íslandi en hið bóklega í KOLD College í Óðinsvéum í Danmörku. Hugmynd að námsbraut í mjólkurfræði hefur einnig verið uppi í Verkmenntaskólanum á Akureyri.

Mjólkurfræði
Ekki fyrir þig?

Skoðaðu aðra valmöguleika

Tengd störf

Gæðaeftirlitsmaður

blank

Matvælafræðingur

blank

Næringarfræðingur

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf