Prentarar starfa á öllum sviðum prentunar, kunna skil á heildarferli prentverks og geta unnið með öðrum þáttum þess, svo sem prentsmíð og bókbandi. Prentarar taka við verki á prentplötu, myndamóti eða í tölvutæku formi, stilla það ásamt litaáferð og pappír í prentvél, og prenta síðan. Prentun er löggilt iðngrein.

Vinnustaðir prentara eru:

  • almennar prentsmiðjur við prentun á bókum, auglýsingum og fleiru
  • blaðaprentsmiðjur við prentun á dagblöðum, bæklingum og tímaritum
  • umbúðaprentsmiðjur við prentun á umbúðum, vörumerkingum og merkimiðum
  • stafrænar prentstofur við fjölbreytileg verkefni í minni upplögum

Prentarar vinna mikið í samstarfi við aðra svo sem prentsmiði, bókbindara, grafíska miðlara, hönnuði, teiknara og ljósmyndara.

Helstu verkefni
  • taka við verklýsingu sem tilgreinir hvernig verk skuli unnið
  • tryggja prentgæði
  • stjórna prentvélbúnaði og tölvum og tækjum sem honum fylgir
  • umhirða prentvéla, þrif og stillingar
Hæfnikröfur

Prentari þarf að þekkja vel þá verkferla sem notaðir eru innan prentiðnaðar. Í því felst að geta gert verklýsingar, keyrt út prentplötur og undirbúið gögn fyrir stafræna prentun, sinnt daglegri umhirðu véla og kunna á stönsun, fellingu, rifgötun, tölusetningu, upphleypingu og yfirborðsmeðferð við frágang prentverks.

GRAFÍA

Nám

Prentun er kennd við Tækniskólann. Meðalnámstími er þrjú ár, samtals fjórar annir í skóla og 48 vikna starfsþjálfun.

 
Prentaraiðn
Ekki fyrir þig?

Skoðaðu aðra valmöguleika

Tengd störf

blank

Blaðberi

blank

Bókasafns- og upplýsingafræðingur

blank

Bókbindari

blank

Bréfberi

blank

Fjölmiðlatæknir

blank

Grafískur hönnuður

blank

Hljóðmaður

blank

Ljósmyndari

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf