STARF

Rafveituvirki starfar við lagningu og viðgerðir flutnings- og dreifikerfa raforku. Unnið er við háspennuvirki og lagningu háspennulagna, rekstur og viðhald háspennulína, oft við krefjandi aðstæður fjarri byggð. Rafveituvirki hefur haldgóða þekkingu á rafbúnaði rafvéla og stýribúnaði sem snertir rafveitukerfi. Rafveituvirkjun er lögvernduð iðngrein.

Sem rafveituvirki vinnurðu gjarnan úti við, að eftirliti og viðgerðum með viðeigandi mælitækjum og handverkfærum.

Helstu verkefni
  • viðhalda veitukerfum; gera við bilaða strengi, strekkja á loftlínum og afísa
  • reisa háspennustaura og strengja línur á milli
  • grafa strengi í jörð
  • setja upp dreifispenna, aðveitu- og spennistöðvar og stýris- og öryggisbúnað
  • mæla viðnám í raforkuveri, aðveitustöð, spennistöð eða línulagningu
Hæfnikröfur

Rafveituvirki þarf að þekkja vel til rafbúnaðar, rafvéla, iðntölvustýringa og stýribúnaðar rafveitukerfa, geta lesið hönnunarteikningar, framkvæmt einfalda bilanaleit og viðhaldið rafbúnaði og útskýrt virkni hans.

Í starfi rafveituvirkja er mikilvægt að þekkja vel til öryggismála í faginu, geta brugðist við rafmagnsslysum og huga að umhverfismálum og viðeigandi umgengni við landið.

Rafmennt – fræðslusetur rafiðnaðarins

Nám

Rafveituvirkjun er kennd við Tækniskólann en tveggja ára grunnnám rafiðna, er einnig í boði við marga framhaldsskóla. Meðalnámstími í rafveituvirkjun er fjögur ár, samtals sjö annir í skóla og 48 vikna starfsþjálfun.

Raunfærnimat hefur farið fram og/eða kann að vera í boði.

Rafveituvirkjun
Rafvirkjun
Ekki fyrir þig?

Skoðaðu aðra valmöguleika

Tengd störf

blank

Forritari

blank

Hljóðhönnuður

blank

Hljóðmaður

blank

Kerfisfræðingur

blank

Leikjaforritari

blank

Leikjahönnuður

blank

Ljósahönnuður

blank

Ljósamaður

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf