STARF

Skrúðgarðyrkjufræðingur

Skrúðgarðyrkjufræðingur starfar við nýframkvæmdir, uppbyggingu og viðhald í görðum. Einnig er veitt ráðgjöf um garðplöntur og garðrækt. Skrúðgarðyrkja er löggilt iðngrein.

Í starfi sem skrúðgarðyrkjufræðingur gætirðu sinnt eigin rekstri, unnið hjá sjálfstætt starfandi skrúðgarðyrkjumeistara eða hjá bæjar- og sveitarfélögum, fyrirtækjum og stofnunum.

Helstu verkefni
  • umhirðuáætlanir fyrir græn svæði
  • mótun lands fyrir uppbyggingu garða
  • leggja hellur og planta út trjám
  • hleðslur bæði úr náttúrugrjóti og steyptum einingum
  • trjá- og runnaklippingar
  • illgresiseyðing, sláttur og mosatæting
  • úðun og áburðargjöf
  • ráðgjöf um garðrækt og val á garðplöntum
Hæfnikröfur

Skrúðgarðyrkjufræðingur þarf að hafa sérþekkingu á jarðvegs- og yfirborðsefnum í skrúðgarðyrkju, lífrænum og ólífrænum. Mikilvægt er að þekkja meðferð helstu tegunda garðplantna fyrir íslenskar aðstæður, algengustu skaðvalda í garðrækt og mótvægisaðgerðir gegn þeim.

Í starfinu eru notuð ýmis verkfæri og garðyrkjuáhöld en einnig sérhæfðari tæki á borð við jarðvegsþjöppu, hellusagir og tæki til að úða gegn skordýrum og illgresi, auk vélakosts.

Félag skrúðgarðyrkjumeistara

Nám

Nám í skrúðgarðyrkju er þriggja ára nám á framhaldsskólastigi, kennt við Landbúnaðarháskóla Íslands að Reykjum í Ölfusi.

Raunfærnimat hefur farið fram og/eða kann að vera í boði.

Skrúðgarðyrkja
Ekki fyrir þig?

Skoðaðu aðra valmöguleika

Tengd störf

blank

Arkítekt

blank

Blómaskreytir

blank

Búfræðingur

blank

Byggingafræðingur

blank

Byggingaverkamaður

blank

Dýralæknir

blank

Fiskeldisfræðingur

blank

Fornleifafræðingur

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf