STARF

Stoðtækjafræðingur

Stoðtækjafræðingar smíða stoðtæki fyrir einstaklinga eftir persónulegum þörfum hvers og eins. Stoðtækin eru alla jafna tæknilegur búnaður til aðstoðar við meðferð sjúkdóma eða aðlögunar gerviútlima. Í starfi stoðtækjafræðinga felst einnig viðhald og eftirlit með þeim stoðtækjum sem þegar eru í notkun. Stoðtækjafræðingar eru löggilt heilbrigðisstétt.

Í starfi sem stoðtækjafræðingur ertu í samvinnu við lækna vegna tilvísana og upplýsinga um hvernig stoðtæki þörf er fyrir hverju sinni.

Helstu verkefni
  • smíða gervilimi til að koma í stað útlima
  • útbúa spelkur eða umbúðir
  • ræða við og skoða einstaklinga sem þurfa stoðtæki
  • búa til gipsmót af líkamshlutum svo stoðtæki passi sem best
  • prófa og meta stoðtæki og aðlaga einstaklingum
  • leiðbeina um notkun og viðhald á stoðtækjum
  • velja efni og hluti sem nota á við smíði og hönnun stoðtækis
Hæfnikröfur

Stoðtækjafræðingur þarf að búa yfir þjónustulund, eiga auðvelt með mannleg samskipti og hafa áhuga á hönnun og tækni. Stoðtækjafræðingar nota margvísleg verkfæri og tæki en einnig er góð tölvukunnátta nauðsynleg þar sem hönnun stoðtækja fer mikið fram með hjálp hönnunarforrita.

Stoðtækjafræðingar fá starfsleyfi frá landlækni og þurfa að hafa lokið að lágmarki BS-námi í stoðtækjafræði frá viðurkenndum háskóla. Til grundvallar mati á námi er nám í stoðtækjafræði á Norðurlöndunum haft til hliðsjónar. Stoðtækjafræðingur þarf að þekkja faglegar takmarkanir og virða þagnarskyldu þegar við á.

Nám

Nám í stoðtækjafræði er ekki í boði í íslenska skólakerfinu en erlendis er oft um að ræða þriggja ára háskólanám.

Ekki fyrir þig?

Skoðaðu aðra valmöguleika

Tengd störf

Augnlæknir

blank

Dýralæknir

blank

Geislafræðingur

blank

Heilbrigðisfulltrúi

blank

Heilbrigðisgagnafræðingur

blank

Heilbrigðisritari

blank

Læknir

blank

Lífeindafræðingur

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf