STARF

Stuðningsfulltrúi í skóla

Stuðningsfulltrúar aðstoða nemendur náms- og félagslega með það að markmiði að auka færni þeirra og sjálfstæði. Oft er um að ræða nemendur sem þurfa sérstök úrræði vegna námserfiðleika, félagslegra aðstæðna, fötlunar eða þroskafrávika.

Stuðningsfulltrúar starfa í leik-, grunn- og framhaldsskólum. Í starfi sem stuðningsfulltrúi vinnurðu í nánu samstarfi við kennara eða sérkennara, eftir áætlun og leiðsögn þeirra.

Helstu verkefni
  • aðstoða nemendur við að vera virkir í skólastarfi
  • aðlaga verkefni að getu nemanda
  • styrkja jákvæða hegðun nemenda
  • leiðbeina um rétta líkamsbeitingu, notkun skriffæra og fleira
  • aðstoða nemendur við athafnir daglegs lífs ef þörf er á
  • styðja nemendur í félagslegum samskiptum
  • fylgja og aðstoða nemendur í vettvangsferðum
Hæfnikröfur

Stuðningsfulltrúi þarf að hafa hæfni til að setja sig inn í aðstæður einstakra nemanda og vera fær um að sinna ólíkum þörfum þeirra. Mikilvægt er til dæmis að þekkja til þeirra bjarga sem standa fötluðum nemendum til boða, geta aðstoðað við kennslu í bóklegum og verklegum greinum og hjálpað nemendum með námserfiðleika.

Stuðningsfulltrúar gegna mikilvægu hlutverki sem fyrirmyndir og þurfa að geta lesið í aðstæður og brugðist við með viðeigandi hætti. Í starfi stuðningsfulltrúa er einum nemanda ýmist fylgt eftir eða farið á milli bekkja og fleirum sinnt.

Félag ráðgjafa og stuðningsfulltrúa

Nám

Nám stuðningsfulltrúa er í boði í Borgarholtsskóla og Verkmenntaskóla Austurlands auk náms við Fjarmenntaskólann. Meðalnámstími eru tvö til þrjú ár að meðtalinni tólf vikna starfsþjálfun.

Raunfærnimat og/eða stuðningsfulltrúabrú kunna einnig að vera í boði, ætlað þeim sem hafa starfsreynslu eða fyrra nám til að byggja á.

Stuðningsfulltrúanám
Ekki fyrir þig?

Skoðaðu aðra valmöguleika

Tengd störf

Danskennari

blank

Félagsráðgjafi

blank

Framhaldsskólakennari

blank

Grunnskólakennari

blank

Kirkjuvörður – meðhjálpari

blank

Sálfræðingur

blank

Skólaritari

blank

Starf í íþróttahúsi

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf