STARF

Táknmálstúlkar vinna við að túlka við allar aðstæður daglegs lífs. Verkefni táknmálstúlka má því finna víða í samfélaginu þó flest séu innan skólakerfisins í tengslum við menntun heyrnarlausra á öllum skólastigum. Önnur verkefni tengjast þjónustu hins opinbera, þátttöku í atvinnulífi og frístundastarfi eða viðburðum á borð við fyrirlestra, kirkjuathafnir, námskeið, læknisviðtöl og meðferðir, ráðstefnur, fundi og samkomur.

Réttur til túlkunar er tryggður með lögum á heilbrigðissviði og innan skóla- og dómskerfis. Í verkefnum sem standa lengur en 1 ½ klukkustund starfa táknmálstúlkar iðulega tveir saman og skiptast á að túlka í 15 mínútur í senn. Hið sama á við um flóknari verkefni á borð við túlkun í dómsal, mannmarga fundi og túlkun á háskólastigi.

Helstu verkefni
Hæfnikröfur

Til viðbótar við háskólamenntun í faginu þarf táknmálstúlkur að hafa gott vald á íslensku, víðtæka almenna þekkingu og vera vel að sér í menningu heyrnarlausra. Mikilvægt er að skilja þær siðferðisskyldur sem starfinu fylgja sem til dæmis tengjast því að vera til staðar á ýmsum viðkvæmum stundum í lífi heyrnarlausra.

Félag háskólamennaðra táknmálstúlka

Samskiptamiðstöð heyrnarlausra og heyrnarskertra

Nám

Táknmálsfræði er kennd við Háskóla Íslands, sem aðal- eða aukagrein til BA-prófs með öðrum námsgreinum eða sem aðalgrein til 120 eininga. Til að ljúka námi sem táknmálstúlkur þarf að taka táknmálsfræði sem aðalfag og táknmálstúlkun að auki, samtals 180 einingar og útskrifast nemendur að því loknu sem táknmálstúlkar.

Táknmálsfræði
Ekki fyrir þig?

Skoðaðu aðra valmöguleika

Tengd störf

blank

Danskennari

blank

Félags- og tómstundaliði

blank

Félagsráðgjafi

blank

Framhaldsskólakennari

blank

Grunnskólakennari

blank

Húshjálp (au pair)

blank

Kirkjuvörður – meðhjálpari

blank

Leikskólakennari

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf