STARF

Tölvunarfræðingur

Tölvunarfræðingar setja upp tölvubúnað og sjá um rekstur, viðhald og breytingar á vél- og hugbúnaði. Í starfinu felast margvísleg verkefni tengd upplýsingatækni, gagnasöfnum, vefsmíði, netumsjón og forritun. Tölvunarfræðingur er löggilt starfsheiti.

Í starfi sem tölvunarfræðingur gætirðu unnið víða svo sem í tölvudeildum fyrirtækja eða hugbúnaðar- og tæknifyrirtækjum oft í samstarfi við aðra sérfræðinga á borð við verkfræðinga, kerfisfræðinga og rafeindavirkja.

Helstu verkefni
  • búa til og smíða forrit og hugbúnaðarkerfi
  • greina þarfir á sviði upplýsingatækni
  • forrita ný kerfi, setja þau upp og skilgreina notkunarreglur
  • viðhald hugbúnaðar; breyta forritum, kerfum og handbókum
  • fylgjast með nýjungum
  • þróa tæki, tól og aðferðir til að bæta tölvuumhverfi almennings
  • kennsla og rannsóknir
Hæfnikröfur

Tölvunarfræðingur þarf að hafa mikinn áhuga á tölvum og virkni þeirra. Mikilvægt er að vera glöggskyggn á tölur og rökvís, geta hugsað í lausnum og vera fljót/ur að greina vandamál. Starf tölvunarfræðings er fjölbreytt og krefst mikillar nákvæmni og þolinmæði.

Félag tölvunarfræðinga

Nám

Grunnnám í tölvunarfræði er þriggja ára háskólanám til BS – gráðu við Háskóla Íslands og BSc – gráðu við Háskólann í Reykjavík. Framhaldsnám til meistaragráðu er einnig í boði við báða skólana.

Tölvunarfræði
Ekki fyrir þig?

Skoðaðu aðra valmöguleika

Tengd störf

Forritari

blank

Hljóðhönnuður

blank

Hljóðmaður

blank

Kerfisfræðingur

blank

Leikjaforritari

blank

Leikjahönnuður

blank

Ljósahönnuður

blank

Ljósamaður

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf