Læknaritarar kallast nú heilbrigðisgagnafræðingar og er námið á háskólastigi. Heilbrigðisritun er fræðilegt og starfstengt nám þar sem nemendur öðlast þekkingu á upplýsinga- og skjalastjórnun og þjálfast í meðhöndlun heilbrigðis- og persónuupplýsinga innan heilbrigðiskerfisins.

Heilbrigðisgagnafræði er löggild heilbrigðisgrein.

Kröfur

Inntökuskilyrði eru stúdentspróf frá framhaldsskóla eða sambærilegt nám. Þó er heimilt að taka inn nemendur sem ekki uppfylla kröfu um stúdentspróf – sjá nánar.

Kannaðu hvort námið sé lánshæft til framfærslu og skólagjalda hjá Menntasjóði námsmanna. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.

Námsskipulag

Heilbrigðisgagnafræði er 90 eininga fræðilegt og starfstengt nám sem veitir réttindi til að starfa sem heilbrigðisgagnafræðingur.

Námið er skipulagt sem 60 eininga fræðilegt nám í hlutanámi í tvö ár og í framhaldi af því er 30 eininga starfsnám í 15 vikur og fer fram á heilbrigðisstofnunum.