Náms- og starfsRáðgjöf

Er ætlað að auðvelda fólki að ákveða stefnu í námi eða starfi út frá eigin áhuga og styrkleikum.

Kostar ekkert en getur verið mikilvæg og hjálpað til við að finna rétta braut.

Hafðu samband!

Náms- og starfsráðgjöf felst í að hjálpa til við upplýsingaleit og finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Í atvinnulífi og skólum

Grunnskólar

Hluti sérfræðiþjónustu skóla með áherslu á almenna velferð og framtíðaráform nemenda.

Framhaldsskólar

Réttur nemenda til þjónustu menntaðra náms- og starfsráðgjafa er lögbundinn.

Háskólar

Fjölbreyttur stuðningur svo sem um námsval, vinnubrögð í námi og undirbúning fyrir atvinnuleit.

Vinnumarkaður

Áhersla á endurmenntun, atvinnuleit og endurhæfingu á vinnumarkaði.

Upplýsingaveitur

Upplýsingaveitur um störf, námsleiðir og ráðgjöf á Íslandi eru margskonar. Í sambandi við atvinnuleit liggur beinast við að benda á vef Vinnumálastofnunar og VIRK – aftur í vinnu. Fjölmenningarsetur sinnir upplýsingaþjónustu fyrir innflytjendur sem búsettir eru á Íslandi. Mat á erlendu háskólanámi er á vegum Enic-Naric á Íslandi og upplýsingar um nám erlendis má nálgast á vefsvæðinu FaraBara. Iðn- og verkgreinar eru sérstaklega kynntar á vef sem kennir sig við nám og störf og margskonar fróðleik fyrir ungt fólk má finna á vef Áttavitans.

Upplýsingar um innritun í framhaldsskóla eru á vef Menntamálastofnunar og HvaðSvo kynnir möguleika að loknu námi af sérnámsbrautum. Þá má finna upplýsingar um náms- og starfsráðgjöf á heimasíðum flestra grunn-, framhalds- og háskóla að ógleymdri ráðgjöf sem er í boði á símenntunarmiðstöðvum um land allt.

Þá er margt fróðlegt að finna í tengslum við Menntaáætlun Evrópusambandsins.

Eitt skref í einu