STARF

Starf leikskólakennara felst í að fylgjast með velferð leikskólabarna og hlú að þeim andlega og líkamlega eftir þörfum hvers og eins svo að börnin fái notið sín sem einstaklingar. Leitast er við að sinna börnunum og örva þroska þeirra með samræðum, fjölbreyttum leikjum, lestri og vinnu að skapandi verkefnum. Leikskólakennari er lögverndað starfsheiti.

Leikskólakennarar vinna náið með foreldrum og forráðamönnum barna og hafa einnig gjarnan samráð við annað fagfólk á borð við sérkennara, talkennara eða sálfræðinga vegna hegðunar- eða námsörðuleika einstakra barna. Auk leikskóla starfa leikskólakennarar á skóladagheimilum, í sérdeildum, barnadeildum sjúkrahúsa eða í fyrsta bekk grunnskóla.

Helstu verkefni
  • taka þátt í skipulagningu faglegs starfs undir stjórn deildarstjóra
  • sjá um að börnin matist, klæðist og hvílist eins og þörf krefur
  • leiðbeina í mannlegum samskiptum, umgengni og um hreinlæti
  • starfsmannafundir og aðrir fundir sem varða starfsemi leikskólans
  • samskipti við forráðamenn og seta á foreldrafundum
  • þátttaka í gerð skólanámskrár, starfsmats og þróunarverkefna
Hæfnikröfur

Leikskólakennarar fá starfsleyfi frá menntamálaráðuneyti og þurfa að hafa lokið meistaraprófi á háskólastigi. Leikskólakennari þarf að geta myndað góð tengsl við börn, sýnt þeim alúð og stuðning auk þess sem sköpunargáfa, þolinmæði og skipulagshæfni eru mjög æskilegir eiginleikar.

Félag leikskólakennara

Nám

Grunnnám í leikskólakennarafræðum er þriggja ára háskólanám en tveggja ára meistaranám, að því loknu, veitir löggilt starfsréttindi sem leikskólakennari. Námið er í boði við Menntavísindasvið Háskóla Íslands og kennaradeild Háskólans á Akureyri.

Leikskólakennsla
Ekki fyrir þig?

Skoðaðu aðra valmöguleika

Tengd störf

Danskennari

blank

Félags- og tómstundaliði

blank

Félagsráðgjafi

blank

Framhaldsskólakennari

blank

Grunnskólakennari

blank

Húshjálp (au pair)

blank

Kirkjuvörður – meðhjálpari

blank

Sálfræðingur

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf