Hlutverk lýðheilsufræðinga snýst um aðgerðir til betra heilbrigðis og aukinna lífsgæða fólks þannig að allir í samfélaginu hafi jafna möguleika á að lifa heilbrigðu lífi. Lýðheilsufræðingar starfa innan heilbrigðisgeirans en einnig innan fyrirtækja, sveitarfélaga og stofnana.
Lýðheilsufræðingar þurfa að hafa áhuga á forvörnum og heilbrigðismálum almennt, ekki síst heilbrigði og líðan barna og ungmenna. Mikilvægt er að þekkja til rannsóknaraðferða á sviðinu, vísindaskrifa og innviða heilbrigðiskerfisins.
Þrjár námsleiðir eru í boði í lýðheilsuvísindum við Háskóla Íslands; diplómanám á framhaldsstigi auk meistara- og doktorsnáms.
