Náttúru- og umhverfisfræði er nám á háskólastigi þar sem áhersla er lögð á þverfaglega grunnþekkingu í náttúrufræðum. Í náminu er fjallað um íslenskra náttúru, virkni vistkerfa og hvernig lífverur hafa áhrif á umhverfið og umhverfið á þær.
Einnig tengist námið sjálfbærri þróun, þ.e. hvernig best er að standa að því að skila náttúrunni í sem bestu standi til komandi kynslóða.
Náminu lýkur með BS gráðu. Námstími er þrjú ár.
Kröfur
Inntökuskilyrði eru stúdentspróf eða sambærilegt nám. Æskilegt er að nemendur búi yfir hæfni á 2. þrepi í stærðfræði og raungreinum og 3. hæfniþrepi í ensku.
Námið er lánshæft til framfærslu og skólagjalda hjá Menntasjóði námsmanna. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.
Námsskipulag
Nám í náttúru- og umhverfisfræði er að uppistöðu skyldunámskeið auk 12 valeininga og lokaverkefnis. Valnámskeið má ýmist taka innan LBHÍ eða í öðrum háskólum.
Hvort tveggja er um stað- og fjarnám að ræða.
Kennsla
Nám í náttúru- og umhverfisfræði hefur verið kennt við Landbúnaðarháskóla Íslands.
Að loknu námi
Náttúru- og umhverfisfræðingar starfa víða og við fjölbreytt verkefni á borð við skipulagningu og umhirðu opinna svæða, kortlagningu á landi, byggingum og innviðum.
Tengt nám