Hópferðabílstjórar vinna við að keyra fólk í rútu eða strætisvagni á milli áfangastaða. Í starfinu felst þjónusta við viðskipavini auk umhirðu og viðhalds viðkomandi bifreiðar.

Helstu verkefni

- yfirfara bíl fyrir brottför og í lok dags; hreinsa rusl og athuga óskilamuni
- huga að öryggisbúnaði og gæta að öryggi farþega
- fylgjast með færð og veðri
- raða pökkum og farangri í farangursgeymslu
- þjónusta við farþega
- skrá upplýsingar um ferðir
- innheimta fargjalda

Hæfnikröfur

Starf hópferðabílstjóra er nokkuð ólíkt eftir því hvort um rútu eða strætisvagn er að ræða. Oftast reynir þó mikið á þjónustulund og samskiptahæfni gagnvart ólíkum hópum farþega. Þekking á búnaði bifreiða og gott aksturslag eru afar mikilvægir þættir en í starfinu er gerð krafa um aukin ökuréttindi. Auk þess er tungumálakunnátta og þekking á skyndihjálp æskileg. Góð líkamlegt ástand er mikilvægt enda geta vinnuaðstæður oft verið þröngar, vinnustellingar einhæfar og langtímasetur hluti af starfinu.