Vaktstjóri á skyndibitastað eða kaffihúsi heldur utan um daglega verkstjórn og ber ábyrgð á staðnum í fjarveru yfirmanns. Vaktstjóri þarf að geta gengið í öll störf ásamt því að sjá til að verkferlum sé fylgt, svo sem á milli vakta eða við lokun.
Hlutverk vaktstjóra er að hafa yfirsýn, aðstoða samstarfsfólk þegar þess þarf og stuðla annars að vellíðan þeirra og öryggi á vinnustaðnum.
Vaktstjóri vinnur ýmist undir verslunarstjóra, veitingastjóra eða rekstrarstjóra.
Helstu verkefni
- afgreiðsla og sala á vöru og þjónustu
- upplýsingamiðlun
- framsetning vöru og ásýnd vinnustaðar
- þjálfun nýrra starfsmanna og mönnun vegna forfalla
- skipulag og uppgjör vaktar
- HACCP- mælingar, gæðaeftirlit og skráning
- eftirlit með þrifum
- birgðaeftirlit og vörumóttaka
Hæfnikröfur
Vaktstjóri þarf að þekkja vel til réttinda og skyldna á vinnumarkaði ásamt boðleiðum á eigin vinnustað til að geta miðlað upplýsingum á milli vakta, til yfirmanna og samstarfsfólks. Einnig er mikilvægt að geta brugðist við ábendingum frá viðskiptavinum eða samskiptaerfiðleikum á vinnustað eða á milli starfsfólks og viðskiptavina.
Starfaprófílar FA
Tengd störf