NÁM

Heilsunuddbraut

Heilsunuddaranám er starfstengt og á framhaldsskólastigi. Í því felst meðal annars að efla þekkingu og færni varðandi heilbrigðar lífsvenjur og líkamann, bólgur og spennu í vöðvum og vefjum og hvernig beita má nuddi til slökunar og aukinnar vellíðunar.

Meðalnámstími er tvö og hálft til þrjú og hálft ár að meðtalinni starfsþjálfun.

Kennsla

Nám á heilsunuddbraut hefur verið kennt við Fjölbrautaskólann við Ármúla og Framhaldsskólann á Húsavík auk þess sem VMA hyggur á slíkt nám ef næg þátttaka fæst.

Kröfur

Umsækjendur þurfa að hafa lokið skyldunámi í samræmi við Aðalnámskrá grunnskóla, sjá nánar hjá skóla.

Námið hefur verið lánshæft hjá Menntasjóði námsmanna. Eins veita fag- og stéttarfélög oft styrki til náms, fáðu frekari upplýsingar hjá þínu félagi.

Námsskipulag

Nám á heilsunuddbraut skiptist í almennar greinar, almennar heilbrigðisgreinar, sérgreinar brautar og starfsþjálfun. Ljúka þarf almennum greinum og almennum heilbrigðisgreinum áður en byrjað er á sérgreinum brautarinnar.

Athugaðu að námið eða hluti þess getur verið kennt í fjarnámi.

Að loknu námi

Hægt er að starfa sem heilsunuddari að loknu námi. Einnig er hægt að ljúka viðbótarnámi til stúdentsprófs.

Störf
Heilsunuddari
Ekki þinn tebolli?

Skoðaðu aðra valmöguleika

Náms- og starfsráðgjöf