Mannauðsstjórnun er meistaranám á háskólastigi þar sem fjallað er um mannauð innan fyrirtækja og stofnana með áherslu á stjórnun, samskipti, greiningarvinnu og þróun mannauðs og skipulagsheilda.
Kröfur
Ljúka þarf þriggja ára grunnnámi í háskóla til að fá inngöngu í meistaranám.
Námið er lánshæft til framfærslu og skólagjalda hjá Menntasjóði námsmanna. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.
Námsskipulag
Nám í mannauðsstjórnun er hvort tveggja fræðilegt og hagnýtt. Námið við HÍ og HR er staðbundið en á Bifröst er boðið upp á fjarnám með tveimur staðbundnum lotum.
Kennsla
Háskóli Íslands: Mannauðsstjórnun til meistaragráðu að loknu BA/BS prófi.
Háskólinn á Bifröst: Nám til meistaragráðu sem kallast Forysta og stjórnun, annars vegar með áherslu á mannauðsstjórnun en verkefnastjórnun hins vegar.
Háskólinn í Reykjavík: Meistaranám í mannauðsstjórnun og vinnusálfræði. Einnig námskeið á vegum Opna háskólans.
Að loknu námi
Mannauðsstjórnun nýtist í margs konar störfum þar sem reynir á mannaforráð, svo sem í tengslum við stjórnun, ráðgjöf, fræðslumál og breytingar hvort tveggja hjá fyrirtækjum og stofnunum.
Tengt nám
