NÁM

Tónlistarbrautir

Tónlistarnám á framhaldsskólastigi er oft tengt bóknámsbrautum til stúdentsprófs þar sem tónlist er ýmist aðalnámsgrein eða kjörsviðsfög. Sérsvið í boði eru hljóðfæraleikur, söngur, tónsmíðar eða fræðigreinar tónlistar og miðast kjarni námsins við það sem þarf til að útskrifast með fullgilt framhaldspróf samkvæmt aðalnámskrá tónlistarskóla.

Kennsla

Tónlistarnám er í boði í tengslum við nokkra framhaldsskóla og/eða í samstarfi þeirra og tónlistarskóla. Þannig er tónlist í boði sem námsbraut til stúdentsprófs við MH, Tónlistarskólinn á Akureyri er í samstarfi við nokkra framhaldsskóla á svæðinu um kjörnámsbrautir í tónlist og Menntaskóli í tónlist býður tónlistarnám á tveimur brautum til stúdentsprófs, klassískri og rytmískri.

Kröfur

Almennt þarf að hafa lokið skyldunámi í samræmi við Aðalnámskrá grunnskóla. Ýmis sérviðmið geta hins vegar átt við inn á mismunandi brautir, svo sem miðpróf í tónlist, grunnpróf í söng, tónlistarreynsla eða jafnvel inntökupróf. Best er að kanna þau mál á heimasíðum viðkomandi brauta.
Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.

Námsskipulag

Nám í tónlist á framhaldsskólastigi er almennt ætlað að veita góðan undirbúning fyrir háskólanám í tónlist og störf tónlistarfólks. Gjarnan er hægt að velja á milli sérhæfingar í klassískri eða rytmískri tónlist auk ýmis konar valnámskeiða.
Alla jafna fer sjálf tónlistarkennslan fram í tónlistarskóla en almennar bóknámsgreinar í viðkomandi framhaldsskóla.

Að loknu námi

Nám í tónlist á framhaldsskólastigi getur verið góður undirbúningur fyrir frekara tónlistarnám en einnig valkostur fyrir fólk sem stefnir að því að hafa tónlist að atvinnu.

Störf
Tónlistarkennari
Ekki þinn tebolli?

Skoðaðu aðra valmöguleika

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf