STARF

Heilbrigðisritari

Heilbrigðisritarar vinna margvísleg störf á heilbrigðisstofnunum. Í störfum þeirra er um að ræða mikil dagleg tengsl við sjúklinga og aðstandendur þeirra, til dæmis í sambandi við flutning á milli deilda eða í rannsóknir. Heilbrigðisritarar sinna móttöku sjúklinga, símsvörun og skráningu tímapantana, taka á móti greiðslum, senda út reikninga og sinna ýmis konar gagnaöflun, gagnaumsýslu og skráningu.

 
Starfsvettvangur heilbrigðisritara er á sjúkrahúsum, heilsugæslu, rannsóknarstofum eða öðrum fyrirtækjum í heilbrigðisþjónustu. Þá starfa heilbrigðisritarar víða sem aðstoðarmenn deildarstjóra hjúkrunar.

Helstu verkefni
  • móttaka sjúklinga
  • símsvörun og skráning tímapantana
  • kalla inn sjúklinga af biðlistum
  • panta rannsóknir og þjónustu fyrir sjúklinga
  • viðveruskráning starfsmanna og gerð vaktalista
  • panta sérhæfðar vörur af lager, skrifstofuvörur og eyðublöð
  • gagnaskráning
  • taka niður beiðnir og koma áleiðis til réttra aðila
Hæfnikröfur

Í starfi heilbrigðisritara gætirðu þurft að eiga samskipti við ólíka einstaklinga með ólíkar þarfir og takast á við erfið samskipti. Mikilvægt er að búa yfir góðri tölvukunnáttu og þekkja til varðveislu upplýsinga, skjalavörslu og tölvuskráningar. Heilbrigðisritari þarf að vera fær um að vinna sjálfstætt, geta forgangsraðað verkefnum og gæta þagmælsku í störfum sínum.

Félag heilbrigðisritara

Nám

Námið er á framhaldsskólastigi, við heilbrigðisritarabraut Fjölbrautaskólans við Ármúla. Meðalnámstími er tvö og hálft ár, fjögurra anna nám í skóla ásamt vinnustaðanámi.

Heilbrigðisritarabrú kann einnig að vera í boði, ætlað þeim sem hafa starfsreynslu eða fyrra nám til að byggja á.

Heilbrigðisritun
Ekki fyrir þig?

Skoðaðu aðra valmöguleika

Tengd störf

Augnlæknir

blank

Geislafræðingur

blank

Heilbrigðisgagnafræðingur

blank

Læknir

blank

Lífeindafræðingur

blank

Lýðheilsufræðingur

blank

Lyfjafræðingur

blank

Næringarfræðingur

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf