Matartæknir matreiðir algengan heimilismat á fjölbreytilegan hátt og hugar sérstaklega að þörfum einstakra hópa svo sem barna, aldraðra og sjúklinga. Algengir vinnustaðir matartækna eru heilbrigðisstofnanir og mötuneyti. Matartæknar elda einnig hátíðarmat og setja saman matseðla með hliðsjón af ýmsum sérþörfum. Matartæknir fær réttindi með leyfisbréfi frá landlækni.
Matartæknir þarf að þekkja vel til matreiðslu á almennum heimilismat, næringarfræði og fæðuofnæmis. Mikilvægt er að geta lesið og túlkað innihaldslýsingar á matvælum, reiknað út næringargildi og aðlagað matarskammta að þörfum einstaklinga og hópa.
Þá er færni í skurði og meðferð á grænmeti, fiski og kjöti afar gagnleg ásamt því að passa vel upp á hreinlæti og þrif. Í starfi sem matartæknir notarðu ýmis handverkfæri auk helstu véla og tækja sem notuð eru í eldhúsum.
Matartæknanám er um þriggja ára nám á framhaldsskólastigi, með starfsþjálfun, í Menntaskólanum í Kópavogi og Verkmenntaskólanum á Akureyri.
Raunfærnimat hefur farið fram og/eða kann að vera í boði.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi
