Nordjobb er verkefni sem hugsað er sem leið fyrir ungt fólk á aldrinum 18 – 30 ára, til að öðlast dýrmæta starfsreynslu og kynnast í leiðinni nágrannalöndunum. Í árstíðabundnu starfi er hægt að upplifa hvernig það er að búa í öðru norrænu landi og geta á sama tíma eignast nýja vini frá öllum kimum Norðurlandanna.

Hægt er að senda inn almenna umsókn og vera þannig á skrá hafandi gert grein fyrir helstu áhugasviðum varðandi mögulegan starfsvettvang, þau lönd sem helst kæmu til greina sem og tímabil. Einnig er hægt að  sækja beint um ákveðin störf sem eru auglýst á heimasíðu Nordjobb.